Haal Hi Mein Release Hui Film Munjya Ne Box Office Par 50 Crore Ka Collection Poora Kar Liya Hai. Ye Film Viewers Ka Dil Jeetne Me Safal Rahi Hai. Aur Ab Tak 58.8 Crore Ki Kamai Kar Chuki Hai. 7 June 2024 Ko Release Hone Wali Movie Munjya Box Office Par Apni Jagah Bana Chuki Hai. Pichhle 11 Dinon Se Tabadtod Kamai Kar Rahi Is Film Ko Audience Ka Pyar Aur Support Dono Mil Raha Hai. Aise Me Munjya Ka Box Office Par Dream Run Jari Hai.
Munjya Ki Release Ke Agle Hafte Theatres Me Kartik Aryan Ki Ek Big Budget Film “Chandu Champian” Bhi Release Hui. Uske Sath Competition Ke Bavajud Munjya Apni Audience Aur Theatres Me Apni Jagah Secure Karne Me Safal Rahi Hai. Box Office Mein Chandu Champion Aur Munjya Mein Kamal Ka Competition Jari Hai Aur Is Competition Me Munjya Chandu Champion Ko Peeche Chhodte Huye Nazar Aayi Hai. Halanki Numbers Ki Baat Karen To Chandu Champion Ki Kamayi Jyada Hai Magar Budget, Star Power Aur Munjya Ek Hafte Pahle Ki Release Hai, Us Hisab Se Munjya Chandu Champion Se Aage Hai.
Dekhte Hain Yeh Tom And Jerry Ka Khel Box Office Par Kab Tak Jari Rahega. 30 Crore Ke Budget Mein Taiyar Hui Munjya Film Kahan Jakar Rukti Hai. Kya Yah Film 100 Crore Ka Milestone Touch Karne Me Safal Rahti Hai Ya Nahin Ye To Aane Wala Wakt Hi Batayega. Dekhna Ye Bhi Hai Ki Chandu Champion Apne Budget Se Jyada Kamai Kar Pati Hai Ya Nahin.
Munjya Ne Box Office Par Jo Apna Jadu Chala Rakha Hai Uske Peeche Ki Wajah Ye Bhi Hai Ki Horror-Comedy Genre Ki Ye Film Ek Family Film BankarSamne Aayi Hai. Jahan Pichhle Kuch Mahine Me Theatre Khali Chal Rahe The Aise Me Ye Film Family Audience Ke Liye Ek Ideal Film Nikalkar Aayi Hai. Wahin Sharvari Wagh Ke Song “Taras” Ne Bhi Kafi Achcha Response Diya Hai. Ab Tak Song Taras Ne 40 Million Views Se Bhi Jyda Gain Kiye Hain.
Full Of Comedy Aur Horror Genre Ki Is Film Munjya Ko Kam Samay Mein Hi Viewers Ka Kafi Pyar Mil Gaya Hai. Ab Dekhna Ye Hai Ki Kya Yeh Film 100 Crore Ka Magical Number Cross Kar Pati Hai Ya Nahin.
Hinglishgram Ab Telegram Par Bhi Paae Latest Update Hamare Telegram Channel Par. Channel Ko Iss Par Click Kar Ke Join Kare. And Aapko Ye Story Kaisi Lagi Comment Box Me Likh Kar Jarur Bataeyga. And Ise Apne Friends Ke Sath Jarur Share Kijiega. Aur Sath Hi Hamare Social Media Handles Ko Follow Karna Na Bhule Facebook | Instagram | Twitter | Linkedin
