Sonakshi Sinha Aur Zaheer Iqbal Aakhirkar Shadi Ke Bandhan Me Bandhkar Ek Doosre Ke Ho Gaye Hain. 23 June Ko Mumbai Me Unki Shadi Ka Karyakram Rakha Gaya. Shadi Ki Photos Social Media Par Khoob Viral Ho Rahi Hain. Is Dauran Bollywood Ke Bade-Bade Sitare Bhi Shadi Ko Attend Karte Huye Nazar Aaye. Aaiye Jaante Hain Kin Bollywood Sitaron Ne Shamil Hokar Mahfil Me Char Chand Lagaye Aur Kya Rahi Khas Baten.
Darasal Sonakshi Aur Zaheer Ek Doosre Ko Pichhle Kai Saalon Se Date Kar Rahe The. Magar Unhone Shadi Ki Ye Baat Abhi Tak Secret Rakhne Ki Sochi Thi. Aise Me Kuch Din Pahle Ek Invitation Audio Leak Ho Jata Hai Jisse Ki In Dono Ki Shadi Ki Baat Samne Aa Jati Hai Aur Is Baat Ko Lekar Industry Me Charcha Badh Jati Hai. Un Sabhi Baaton Par Ab Viram Lagate Huye In Dono Ne Kal Ek Doosre Ko Jeevan Sathi Ke Roop Me Sweekar Kiya Hai Aur Apne Jeevan Ki Ek Nayi Paari Ki Shuruaat Kari Hai.
Shadi Me Industry Ke Bade Bade Sitare Shirkat Karte Huye Nazar Aaye. In Personalities Ne Shadi Me Shareeq Hokar Is Mahfil Ki Raunak Badha Di. Baat Ki Jaye Agar Guests Ki To Bollywood Se Anil Kapoor, Raveena Tandon, Huma Qureshi, Kajol, Honey Singh, Chunky Pandey, Tabbu Aur Bahut Sare Celebs Nazar Aaye. Sonakshi Ke Pita Shatrughn Sinha Ne Apni Patni Poonam Sinha Ke Sath Neele Kurte Me Zabardast Entry Li.
Shadi Ke Dauran Zaheer Iqbal Safed Dress Aur Sonakshi Laal Dress Me Nazar Aayin. White Aur Red Ka Ye Combination Social Media Par Chhaya Hua Hai. Apne 7 Saal Ke Relationship Ko Shadi Me Badalkar Soabkasi Aur Zaheer Ne Ek Aur Industry Couple Provide Kiya Hai. Photoshoot Ke Dauran Dono Ne Kai Romantic Pose Bhi Diye Hain Jis Par Se Fans Ki Nazar Hi Nahin Hat Rahi Hai. Fans Inki Photos Kar Jamkar Like Aur Comment Kar Rahe Hain Aur Yahi Wajah Hai Ki Ye Photos Social Media Par Itni Viral Ho Rahi Hain.
Hinglishgram Ab Telegram Par Bhi Paae Latest Update Hamare Telegram Channel Par. Channel Ko Iss Par Click Kar Ke Join Kare. And Aapko Ye Story Kaisi Lagi Comment Box Me Likh Kar Jarur Bataeyga. And Ise Apne Friends Ke Sath Jarur Share Kijiega. Aur Sath Hi Hamare Social Media Handles Ko Follow Karna Na Bhule Facebook | Instagram | Twitter | Linkedin
