Neetu Kumari
Film ‘Major’ Ke Charche Kafi Lambe Time Se Ho Rahe The. Lambe Intzaar Ke Baad Ab Major 3 June 2022 Ko Release Ho Chuki Hai. Is Film Ko Darshkon Ka Pyaar Khub Mila Hai. Is Film Se Telugu Actor Adivi Sesh Ne Apna Hindi Debut Kiya Hai. Adivi Sesh Ki Kaam Aur Writing Ko Khub Sarahna Mili Hai. Voh Bhale Hi Hindi Darshkon Ke Liye Naye Hain, Lekin South Cinema Ke Woh Jane-Mane Actors Mein Se Ek Hain. Unki Film Major 29/112008 Mein Hue Mumbai Hamle Par Based Hai, Jiske Bare Mein Har Koi Janta Hai.
Kon Hain Adivi Sesh?
Adivi Sesh Ka Pura Naam Adivi Sesh Sunny Chandra Hai. Yaha Sesh Unka Real Name Hai Aur Adivi Surname Hai. Unka Janm 17 December 1984 Ko Haidrabaad Mein Hua Tha. Unki Parvarish America Ke California Ke Berkeley Mein Hue Thi. Yaha Unhone Berkeley High School Aur San Francisco State University Se Padhai Ki. Woh Telugu Industry Ke Sabse Handsome Actors Mein Se Ek Hain. Adivi Sesh Ne Yaer 2002 Mein Telugu Film Sontham Se Apna Acting Debut Kiya Tha. Apni Writing Ke Liye Sesh Ko Jana Jata Hai. 2011 Mein Unhone Film Punja Mein Munna Naam Ka Jabardast Kirdaar Nibhaya Tha. Batore Villian Yeh Unka Pehla Role Tha. Critics Ko Unka Kaam Kafi Pasand Aaya Tha.
Film Bahubali Mein Kar Chuke Hain Kaam
Bahubali Jaisi Epic Movie To Aap Sabne Dekhi Hi Hogi. Apko Bata Dein Ki SS Rajamouli Ki Film Bahubali Ke First Part Mein Adivi Sesh Ne Kaam Kia Tha. Is Film Mein Woh Bhalaaldev Ke Bete Bhadra Ke Role Mein Nazar Aye The. Year 2016 Mein Sesh Ne Film Kshanam Mein Kaam Kiya Tha. Is Film Ki Story Bhi Adivi Sesh Ne Likhi Thi. Adivi Sesh Ab South Ke Famous Superstar Mane Jate Hain Aur Ab Jald Hi Bollywood Mein Bhi Apni Jagh Banane Mein Kamyab Ho Jainge.
Adivi Sesh Major Ban Cha Gaye Parde Par, Handsome Look Par Fida Fans…|Hinglishgram Ab Telegram Par Bhi Paae Latest Update Hamare Telegram Channel Par. Channel Ko Iss Par Click Kar Ke Join Kare. And Aapko Ye Story Kaisi Lagi Comment Box Me Likh Kar Jarur Bataeyga. And Ise Apne Friends Ke Sath Jarur Share Kijiega. Aur Sath Hi Hamare Social Media Handles Ko Follow Karna Na Bhule Facebook | Instagram | Twitter | Linkedin
