Saal Ki Sabse Jyada Awaited Film Pushpa 2 Ab Apne Declared Release Date
Yaani Ki 15th Of August Ko Release Nahin Hogi. Halanki Abhi Tak Makers Ki
Taraf Se Koi Official Confirmation Nahin Aaya Hai Aur Na Hi Koi Reason Pata
Chala Hai Ki Iske Peeche Ki Wajah Kya Hai. Lekin Jis Tarah Se Pushpa 2 Ke
Postponement Ko Lekar Market Garam Hai Aur Nayi Filmon Ki Announcement
15th August Ki Date Par Ho Rahi Hain, In Sabhi Scenarios Ko Conclude Karte
Huye Ye Kahna Galat Nahin Hoga Ki Pushpa 2 Ab Apne Declared Release Date
Par Nahin Aa Rahi Hai.
Sabse Pahle 15th August Ki Release Date Rohit Shetty Ki Singham Again Ne
Select Ki Thi Jisme Ajay Devgan, Akshay Kumar, Ranveer Singh, Tiger Shroff,
Deepika Padukone, Kareena Kapoor Aur Arjun Kapoor Jaise Stars Hain. Itni
Badi Star Power Hone Ke Baawjood Jab Pushpa 2 Ne Singham Again Ke Sath
Clash Karne Ka Faisla Liya To Singham Again Ne Apni Date Postpone Kar Di
Kyonki Pushpa 2 Kewal Film Nahin Hai, Ye Box Office Par Ek Tsunami Ban Kar
Aayegi Jisme Bade Bade Sare Records Dhwast Ho Jayenge.
Ab Nikalkar Aa Rahi Khabron Ke Mutabik Agar Pushpa 2 Bhi Postpone Ho Jati
Hai To Singham Again Ke Sath Ye Ek Gande Majak Jaisa Hoga. Halanki Is
Mauke Ka Faayda Uthate Huye Kai Sari Filmen Jo Charcha Me Bhi Nahin Thi
Wo Ab Independence Day Par Aane Ki Planing Kar Rahi Hain. John Abraham Ki
Vedaa. Aur Akshay Kumar Ki Khel Khel Me, 15th August Par Aane Ke Liye
Announce Bhi Ho Chuki Hain.
Kul Milakar Khabron Ka Market Garam Hai Aur Aise Me Loag Yah Bhi Expect
Kar Rahe Hain Ki Agar Pushpa 2 Postpone Ho Jati Hai To Singham Again Ko Us
Din Par Aa Jana Chahiye. Par Abhi Tak Na Singham Ki Team Se Koi Official
Update Bahar Aayi Hai Aur Na Hi Pushpa Ke Makers Se. Aise Me Agar Pushpa
Ke Makers Ye Declare Karte Hain Ki Pushpa 2 Postpone Nahin Ho Rahi To 15th
August Par Announced Filmon Ka To Moye – Moye Ho Jayega.
Pushpa 2 Agar Postpone Hoti Hai To Makers Ka To Loss Hoga Hi Lekin Sabse
Bada Loss Hoga Fans Ka Jo Itne Dinon Se Besabri Se Is Film Ka Intezar Kar
Rahe The. Fans To Yahi Ummeed Karenge Ki Pushpa Apne Declared Release
Date Par Hi Aaye Lekin Makers Agar Nuksan Uthakar Itna Bada Faisla Le Rahe
Hain To Iske Peeche Jarur Koi Reason Hoga.
Aage Kya Hota Hai, Pushpa Aati Hai Ya Singham Ya Dono Me Se Koi Nahin Ya
Fir Akshay Aur John Ke Alawa Koi Aur Is Release Date Par Apni Announcement
Karta Hai Ye To Wakt Aane Par Hi Pata Chalega. Pushpa Ke Postponement Ke
Baad Ab Wo Nayi Kaun Si Release Date Chunenge Yah Bhi Charcha Ka Vishay
Rahega. Iske Alawa Aage Badi Filmon Me Devara, Kangua Aur Game Changer
Jaisi Movies Scheduled Hain. Filhaal Abhi Bhi Official Confirmation Ka Intezar
Hai.
Hinglishgram Ab Telegram Par Bhi Paae Latest Update Hamare Telegram Channel Par. Channel Ko Iss Par Click Kar Ke Join Kare. And Aapko Ye Story Kaisi Lagi Comment Box Me Likh Kar Jarur Bataeyga. And Ise Apne Friends Ke Sath Jarur Share Kijiega. Aur Sath Hi Hamare Social Media Handles Ko Follow Karna Na Bhule Facebook | Instagram | Twitter | Linkedin
