Pichhle Saal Sabse Jyada Charcha Me Rahi Film “12th Fail” Ab China Me Bhi Release Hogi. Film Ke Lead Actor Vikrant Massey Ne Sanghai International Film Festival 2024 Me Hissa Liya Aur Isi Ke Dauran Unhone Ye Announce Kiya Ki Unki Film “12th Fail” Ab China Me Bhi Release Hone Wali Hai. Film Haal Hi Me Released Filmon Me Se Sabse Jyada Charche Me Thi Aur Film Ne Theatres Me Kai Hafton Tak Apni Jagah Bana Ke Rakhi Thi. Aapko Bata Den Ki Is Film Ne Audience Ke Dilon Ke Sath Sath Box Office Par Bhi Raaj Kiya Tha.
Batate Chalen Ki Ki Actor Vikrant Massey Ne Haal Hi Me China Me Organize Huye Sanghai International Film Festival 2024 Me Hissa Liya Tha. Ye Film Festival Har Saal China Ke Sanghai Shahar Me Manaya Jata Hai. Jisme Saal Ki Kuch Sabse Jyada Charchit Filmon Se Related Loagon Ko Invite Kiya Jata Hai. Filmen Poori Duniya Me Kisi Bhi Industry Se Related Ho Sakti Hain. Aise Me Isi Festival Me Invited Indian Actor Vikrant Massey Ne Ye Announce Kiya Ki Unke Career Ki Best Film Ab China Me Bhi Release Hogi.
Film 12th Fail Actual Me IPS Officer Manoj Kumar Ki Biopic Hai. Manoj Kumar Ka Role Play Karte Huye Actor Vikrant Massey Ne Sabka Dil Jeet Liya Aur Sath Me Hi Unki Co Actor Medha Shankar Jinhone Manoj Ki Girlfriend Ka Role Play Kiya Tha Unhone Bhi Sabke Dil Me Apni Jagah Banai. Film Me Manoj Ki Struggle Ne Aur Us Struggle Ke Dauran Bhi Unki Girlfriend Jo Unke Sath Rahi Aur Hamesha Unhe Encourage Kiya, Is Cheez Ne Sabke Dilon Me Ek Special Jagah Banai Aur Yahi Film Ke Successful Hone Ka Reason Bhi Raha.
Jaisa Ki Ab Ye Film China Me Bhi Release Hone Wali Hai To Aise Me Kayas Ye Lagaye Ja Rahe Hain Ki Kya Ye Film Aamir Khan Ka Record Tod Payegi Ya Nahi. Isse Pahle Aamir Khan Ki Filmon Ka China Me Bahut Hi Achha Pradarshan Raha Hai. Unki Har Film Jaise- PK, Dangal, 3 Idiots Etc. Sabne China Me Jamkar Kamai Ki Hai. Film 12th Fail Bhi Content Ke Maamle Me Kafi Behtareen Hai To Shayad Ye Film Aamir Ke Records Ko Challenge Kar Sakti Hai. Halanki Kya Ye Film Sach Me Aamir Ke Records Ko Challenge Kar Payegi Ya Tod Degi Ye To Film Ke Release Ke Baad Hi Pata Chalega.
Hinglishgram Ab Telegram Par Bhi Paae Latest Update Hamare Telegram Channel Par. Channel Ko Iss Par Click Kar Ke Join Kare. And Aapko Ye Story Kaisi Lagi Comment Box Me Likh Kar Jarur Bataeyga. And Ise Apne Friends Ke Sath Jarur Share Kijiega. Aur Sath Hi Hamare Social Media Handles Ko Follow Karna Na Bhule Facebook | Instagram | Twitter | Linkedin
