Baatein to bohot hai kehne ko , magar har baat jo mai kahungi tumse ….Tum maan loge kya ??
Mai kahu, ki agar mai soyi nahi hu kabse.. Bas raat bhar tumhe yaad krti hu.. Tum maan loge kya?
Milti nahi tumse, Na baat hoti hai tumse, magar fir bhi poora din bas tumhe jee bhar dekhne ka intezaar krti hu.. To Tum maan loge kya?
Mai kahu, ki duniya bhar ke liye mai pathar si hu, par tumhare aage mai kaanch ho jaati hu, Aur mere ye aanshu bas tumhare liye behte hai…. To Tum maan loge kya?
Aur yun to mai tumse bohot dur ho gyi hu, baatein bhi humari ab kaha hoti hai, or tumhe to lagta hoga ki pal bhar ka pyaar tha, pal bhar me badal gya , Magar agar me kahu, ki mai to bas tumhari baatein sunna chahti hu bas…. To kya tum maan loge kya?
Kahi na kahi mai apne bhavnaao ke shor ko apni khamoshiyon me daba rahi hu, Magar agar meri aankho me chhipa shor , tumse kabhi kahe ki Tum hi meri duniya, mera chaand mera ishq ho….. To tum maan loge kya?
Shikayat thi na tumhe mujhse, ki mai har dam kyu chup rehti hu, Kyuki baatein to bohot hai kehne ko magar har baat jo mai kahungi…. Tum maan loge kya?
Vo rooth gye mujhse jo mujhe jaante the,
Kehte hain badal gyi hoon wakt rehte,
Kehna unse,
Jo ladki har wakt khush raha krti thi ,
Mai vo nahi hu jo rulaane par bhi muskuraya deti thi,
Ab hasaane aaoge to ro dungi , haal bhi poochne aaoge to bhi ro dungi….
Mujhko khud nahi pta chlta ki kab me baatey krte krte achanak se khamosh ho jaati hoon,
Usko lagta hai ki mai badal gyi hu, par kon smjhaaye usko ki mai badal nahi bikhar gyi hoon…
Agar mai ye kahu ki tumhari khushi ki khatir maine tumse milna, baat krna band kar diya… To kya tum maan loge kya?
“Milne ki umeed to nahi hai tujhse , lekin kaise keh du ki intezaar nahi hai”……
Also Read: Latest Stories from on Entertainment, Lifestyle and Currently In Trend
Agar Apko Hamara Article Pasand Aaya Ho. Then Apne Views hame Comment Box Me Jarur likhe. And Aur Bhi Chatpate Khabro Ke Lie Hame Follow Kare Facebook | Instagram | Twitter | Linkedin
[starbox id=swati]
