in , , ,

Blood Donation Kyon Hai Jaruri, Is Dauran Kya kya Rakhen Savadhaniyan ?

Kahte Hain Ki “Raktdaan, Mahadaan.” Agar Khoon Dekar Kisi Ki Jaan Bach Sakti Hai To Yah Humanity Ke Nazariye Se Sabse Badi Sewa Hai. Raktdaan Ke Baare Me Logon Ko Aware Karne Ke Objective Ke Sath Har Saal 14 June Ko Poori Duniya Me World Blood Donor Day Manaya Jata Hai. Iska Main Objective Logon Ko Blood Donation Ke Baare Me Aware Karna To Hai Hi Sath Me Unhe Is Kaam Ke Liye Motivate Karna Bhi Hai Jisse Ki Jyada Se Jyada Loag Aage Aakar Blood Donation Mein Hissa Len. Blood Donation Kyon Hai Jaroori Aur Isse Judi Kya Kya Saavadhaniyan Ho Sakti Hain Aaiye Is Par Charcha Karte Hain.

Blood Donation

Vigyaan Bhale Hi Bahut Aage Badh Gaya Hai Lekin Abhi Tak Hui Researches Me Blood Ka Koi Aur Option Nahin Dhoondh Paaya Hai. Jab Bhi Kisi Insaan Ko Khoon Ki Jarurat Hoti Hai To Insaan Ka Khoon Hi Insaan Ke Kaam Aata Hai. Aise Me Blood Donate Karna Ek Life Saviour Task Ho Sakta Hai Jahan Trauma Patients Hon, Surgical Ya Fir Anemia Patients Har Jagah Treatment Ke Liye Blood Ki Requirement Hoti Hai. Jarurat Ke Hisab Se Patient Ko Blood Aur Isse Related Products Available Karaye Jate Hain. Blood Donor Day Isiliye Important Ho Jata Hai Ki Isse Motivate Hokar Jitne Jyada Loag Blood Donate Karenge, Utni Jyada Life Bachne Ki Possibility Rahegi.

Blood Donate Karne Se Pahle Kuch Cheezon Ka Dhyaan Rakhna Chahiye:

Blood Donation

➢ Be Hydrated
➢ Khali Pait Blood Donate Na Karen
➢ Blood Donation Ke Baad Sufficient Liquid Aur Healthy Food Consume Karen
➢ Agar Uncomfortable Feel Ho To Thoda Time Ruk Ke Blood Donate Karen

Kaun Loag Kar Sakte Hain Blood Donate

Jo Loag Healthy Hain, Koi Serious Health Issue Nahin Hai Aur Age 50 Saal Se Kam Hai Wo Loag Regular Intervals Par Blood Donate Kar Sakte Hain. Jo Loag Kabhi Bhi Jaundice Ka Shikaar Huye Hon, Especially Hepatitis B & C Aur Anemia Ka Saamna Kar Chuke Loag Blood Donation Ko Avoid Karen.

Blood Donation Se Related In Myths Ko Avoid Karen:

Ek Baar Me Ek Unit (300 Ml To 350 Ml) Blood Donate Karne Se Body Me Koi Weakness Nahin Aati Hai. Iske Alawa Loag Infection Se Darte Hain Lekin Aaj Ke Time Me Is Process Me Use Hone Wale Sare Items Disposable Hote Hain, Isliye Infection Ka Bhi Koi Chance Mahin Rah Jata Hai. To Blood Donate Karne Se Na Hi Kamjori Aati Hai Aur Na Hi Infection Hota Hai. Logon Ko Is Soch Se Bahar Aa Jana Chahiye Aur Blood Donation Ka Part Banna Chahiye.

Kai Tareeke Se Useful Hai Blood:

Blood Me Bahut Saare Components Hote Hain, Like – RBC, WBC, Plasma, Platelets Etc. Aisa Jaruri Nahin Hota Ki Har Baar Patient Ko Blood Ki Hi Jarurat Ho, Kabhi Kabhi Blood Se Nikaale Gaye Uske Ye Components Hi Ek Life Ko Bachane Ke Liye Use Me Aa Jate Hain. Receiver Ka Jo Blood Group Hota Hai Use Usi Blood Group Ka Khoon Chahiye Hota Hai. Lekin Platelets Concentration Ke Liye O Positive Mostly Universal Blood Group Hota Hai.

Saavadhaniyan:

Blood Donation

Blood Donation Se Pahle Donor Aur Receiver Dono Ki Hepatitis, Malaria & Anemia Jaisi Beemariyon Ki Janch Honi Chahiye. Koi Bhi Beemari Positive Aane Par Donor Ko Secretly Inform Kiya Jata Hai Aur Aise Maamlon Me Privacy Ka Poora Khayal Rakha Jata Hai. Ek Baar Blood Donate Karne Ke Baad Insaan Ek Month Ke Baad Fir Se Blood Donate Kar Sakta Hai Lekin Ideally Ek Baar Donate Karne Ke Baad Teen Mahine Ke Baad Dobara Blood Donate Karne Ki Salaah Doctors Dete Hain. Ek Cheez Ka Khaas Khayal Rakhen Ki Authorised Places Par Hi Blood Donate Karen Kyonki Bahut Sare Commercial Blood Banks Hain Jo Kewal Paison Ke Liye Blood Ka Business Kar Rahe Hain Wo Proper Saavadhaniyan Na Rakhen Agar To Infection Ka Khatra Jyada Rakta Hai.


Hinglishgram Ab Telegram Par Bhi Paae Latest Update Hamare Telegram Channel Par. Channel Ko Iss Par Click Kar Ke Join Kare. And Aapko Ye Story Kaisi Lagi Comment Box Me Likh Kar Jarur Bataeyga. And Ise Apne Friends Ke Sath Jarur Share Kijiega. Aur Sath Hi Hamare Social Media Handles Ko Follow Karna Na Bhule Facebook Instagram Twitter Linkedin

What do you think?

Film ‘Ishq Vishk Rebound’ Ke Trailer Release Ke Baad Surkhiyon Me Pashmina Roshan, Kaun Hain Ye Aur Kyon Hain Charche Me?

Chandu Champion Ke Box Office Par Champion Banne Ki Raah Mushkil, Thandi Advance Booking Ke Chalte Karna Pada Ye Kaam.