S M
“Ham apna had bhul gae the… ladkiyo ko aage badhne ka koe haq nahi hota”
Ye statement kisi aur ka nahi but Graduate chaiwali ke naam se famous Priyanka gupta ki hai. Ji ha ye vo hi Graduate chaiwali hai jinke stall par khud Vijay Deverakonda aur unki liger ki team chai peene gae thi. Aapko bta de Graduate chaiwali ka stall bihar ki rajdhani patna me situated Womens college ke saamne lagta hai. Abhi Graduate Chaiwali ka ek video kaafi viral ho raha hai.
Aankho Me Aashu Liye Appeal Karte Hue Nazar Aa Rahi Hai Graduate Chaiwali
In dino social media par patna ki graduate chaiwali ka ek video kaafi viral ho raha hai. Is video me Priyanka Gupta AKA Graduate Chaiwali ne bola,
Aap sab to mujhe jaante hi honge. Graduate chaiwali, so called graduate chaiwali. had bhul gae the apna. mujhe kya pata tha. mujhe laga tha ki ham bihar me kuch different kar rahe the, tabhi to aap log support kar rahe the. ham apna had bhul gae thei. ye bihar hai, bihar. yaha ladiyo ki aukaat bas itni hoti hai ki vo kitchen tak simit rahti hai. hona bhi chahiye. ladkiyo ko aage badhne ka koe haq nhi hota.
System Pe Uthae Kade Sawal
Priyanka ne video me aage kaha ki patna me yu to kae cart lagte hai, bahut saare illegal kaam bhi hote hai aur yha tak liquors bhi illegal tareeke se state me bechi jaati hai. But ye system in illegal kaamo ko nhi rokta. and agar koe apna business sahi tareeke se kar rha ho aur upar se agar vo ladki ho to baar baar pareshan karne ke liye system sabse aage rahta hai
Priyanka ne kaha, Business karne ka to jaise adhikar hame hai hi nhi, Nagar Nigam ke Commisonar sir ke permission ke bavjood hamara bina btae cart utha liya jata hai.ham haar maante hai is system ke aage aur jisne bhi hamari franchise li hai un sabhi ko paise bhi vapis karne ja rahe hai. and ye company hamesha ke lie close krke apne ghar ja rahe hai. thank you nagar nigam, thank you bihar ka system”
Thela Hua Vapis
Video viral hone ke baad nagar nigam ne graduate chaiwali ke stall ko jaha se uthaya tha vhi pe dobara setup kar diya hai. aur iske saath hi nagar nigam ne priyanka aka graduate chaiwali ko cart lagane ki jagah bhi di hai. Is baat ki jankari khud priyanka ne apne instagram story ke jariye di aur likha, “Mujhe nae jagah alot ki gae hai. Vaha mujhe koe pareshani nahi hogi. ham bhi shanti se kaam karna chahte hai. baar baar ye sab nahi chahiye isiliye ek baar proper jagah mil gaya hai. aap logo ka bahut bahut dhanyawad mujhe support karne ke liye.”
Isse Pehle Bhi Utha Hai Thela Graduate Chaiwali ka
Nagar Nigam ne isi saal august me bhi ek baar Graduate Chaiwali ka thela utha liya tha. Atikraman Hatao Abhiyaan ke tahat Graduate Chaiwali Ka thela Nagar Nigam ne hataya tha. Priyanka iss mudde ko lekar deputy chief minister tajaswi yadav aur lalu yadav se bhi mili and after that nagar nigam deputy comissnor ne unhe thela lagane ki permission di.
Hinglishgram Ab Telegram Par Bhi Paae Latest Update Hamare Telegram Channel Par. Channel Ko Iss Par Click Kar Ke Join Kare. And Aapko Ye Story Kaisi Lagi Comment Box Me Likh Kar Jarur Bataeyga. And Ise Apne Friends Ke Sath Jarur Share Kijiega. Aur Sath Hi Hamare Social Media Handles Ko Follow Karna Na Bhule Facebook | Instagram | Twitter | Linkedin | Youtube.
