Prabhas Starrer “Kalki 2898 AD” Aaj Theatres Me Release Hone Wali Hai. Budget Ke Hisab Se Ye Indian Film Industry Ki Ab Tak Ki Sabse Mahngi Film Batayi Ja Rahi Hai. Film Ka Budget Lagbhag 600 Crore Ke Aas Paas Bataya Ja Raha Hai. Aise Me Film Ka Opening Day Bahut Hi Crucial Ho Jata Hai Aur Film Pahle Din Kitna Kamai Karne Wali Hai Wo Kafi Had Tak Film Ki Advance Booking Par Bhi Depend Karta Hai. Baat Ki Jaye Ab Tak Ki Sabse Jyada Advance Booking Ki To Ye Record SRK Ki Jawan Ke Naam Par Hai Jisne 41+ Crore Ki Advance Booking Ki Thi. Kya Kalki Is Advance Booking Ke Record Ya RRR Ke Opening Day Record Ko Challenge Kar Payegi Aaiye Jante Hain.
![Kalki](https://hinglishgram.com/wp-content/uploads/2024/06/27-12-1024x576.png)
Kalki Ko Apne Budget Ki Recovery Karne Aur Film Ko Profit Me Le Jane Ke Liye Opening Day Sabse Jyada Crucial Hai. Baat Ki Jaye Ab Tak Ki Sabse Jyada Opening Day Collection Ki To Ye Record RRR Ke Naam Hai Jahan Isne Apne Pahle Din Par 223 Crore Ka Collection Kiya Tha. Us Film Ne Apne Weekend Par Hi 500 Crore Ka Collection Complete Kar Diya Tha. Aise Me Kalki Kya RRR Ka Ye Record Break Kar Pati Hai Ya Nahi Ye To Film Ki Release Ke Baad Hi Pata Chalega. Halanki Baat Ki Jaye Film Ki Advance Booking Ki To Film Ne Ab Tak Kewal India Me Hi 50+ Crore Ki Advance Booking Kar Li Hai Aur Isi Ke Sath SRK Ki Jawan Ka Record Bhi Break Kar Diya Hai. Halanki Film RRR Ka 223 Crore Ka Record Break Kar Pati Hai Ya Nahi Ye Kal Official Collection Aane Ke Baad Pata Chal Jayega.
![Kalki](https://hinglishgram.com/wp-content/uploads/2024/06/27-13-1024x576.png)
Baat Karen Prabhas Ki Recent Release Films Ki To Haal Hi Me Unki Film Salaar Ne Apne Pahle Din Par Lagbhag 179 Crore Ka Collection Kiya Tha Jabki Film Negative Reviews Ki Wajah Se Hindi Market Me Utna Collection Nahi Kar Payi Thi. Prabhas Ki Sabse Jyada Kamai Karne Wali Filmon Me Bahubali 2, Salaar, Saaho, Bahubali 1 Etc. Hain. Kya Prabhas Apni Film Kalki Ke Sath Indian Film History Me Ek Naya Chapter Likh Payenge Wo Film Ke Release Ke Baad Confirm Ho Jayega. Film Ka Hindi Market Me KGF 2 Ya Pushpa 2 Jaisa Buzz Nahi Hai, Halanki Ye Film Sequel Nahi Hai Par Phir Bhi Film Ko Hindi Market Me Aur Behtar Promote Kiya Ja Sakta Tha.
Hinglishgram Ab Telegram Par Bhi Paae Latest Update Hamare Telegram Channel Par. Channel Ko Iss Par Click Kar Ke Join Kare. And Aapko Ye Story Kaisi Lagi Comment Box Me Likh Kar Jarur Bataeyga. And Ise Apne Friends Ke Sath Jarur Share Kijiega. Aur Sath Hi Hamare Social Media Handles Ko Follow Karna Na Bhule Facebook | Instagram | Twitter | Linkedin