Director Mudassar Aziz Se Breakup Ke Baad Huma Qureshi Ka Naam Pichle Kuch Wakt Se Actor Rachit Singh Ke Sath Jud Raha Hai. Ab Is Rumoured Couple Ko Sonakshi Aur Zaheer Ki Shadi Me Bhi Sath Dekha Gaya Hai. Dono Ne Ek Doosre Ke Sath Khoob Masti Aur Dance Kiya. Iske Alawa Dono Ek Doosre Se Photos Share Karte Huye Bhi Nazar Aaye.
Aapko Bata Den Ki Haal Hi Me Sonakshi Sinha Ne Apne Pita Shatrughn Sinha Ke Juhu Me Located Residence Ramayana Me Apne Boyfriend Zaheer Iqbal Ke Sath Shadi Ki. Is Shadi Ko Lekar Kai Tarah Ki Khabren Bhi Samne Aayi Thi. Social Media Par Fans Is Shadi Ko Troll Karte Huye Bhi Nazar Aa Rahe The. Inki Shadi Ko Do Dharmon Me Baantkar Dekha Ja Raha Hai. Halanki Actress Apni Shadi Se Behad Khush Hai Aur Enjoy Kar Rahi Hain. Inki Shadi Me Family Aur Friends Ki Zabardast Bheed Nazar Aayi Aur Isi Me Inki Best Friend Huma Qureshi Bhi Apne Rumoured Boyfriend Rachit Singh Ke Sath Pose Deti Nazar Aayi.
TOI Ki Report Ke Anusar Dono Ne Apni Instagram Stories Par Same Photos Share Ki Hain Jahan Wo Pink Outfit Me Nazar Aa Rahe Hain. Batate Chalen Ki Rachit Singh Mumbai Ke Famous Acting Coach Aur Actor Bhi Hain. Rachit Ne Trainer Ke Taur Pe Kai Actors Ke Sath Kaam Kiya Hai Jisme Ranveer Singh, Varun Dhawan, Alia Bhatt, Anushka Sharma Aur Saif Ali Khan Jaise Naam Shamil Hain. Rachit Singh Last Time Raveena Tandon Aur Sonu Sood Ki Web Series “Karma Calling” Me Nazar Aaye The. Isse Pahle Huma Ka Naam Jane Mane Director Mudassar Aziz Se Bhi Juda Tha. Dono Ne Ek Doosre Ko Kafi Samay Tak Date Kiya Tha Magar Kuch Samay Baad Inka Breakup Ho Gaya.
Hinglishgram Ab Telegram Par Bhi Paae Latest Update Hamare Telegram Channel Par. Channel Ko Iss Par Click Kar Ke Join Kare. And Aapko Ye Story Kaisi Lagi Comment Box Me Likh Kar Jarur Bataeyga. And Ise Apne Friends Ke Sath Jarur Share Kijiega. Aur Sath Hi Hamare Social Media Handles Ko Follow Karna Na Bhule Facebook | Instagram | Twitter | Linkedin
