Bollywood Ke Khiladi Kumar Ke Naam Se Famous Akshay Kumar Ki Ek Aur Remake Film “Sarfira” Ka Trailer Aaj Release Kiya Gaya Hai. Yah Film Tamil Ke Superstar “Surya” Ki Superhit Film “Soorarai Pottru” Ka Hindi Remake Hai. Surya Ki Ye Film “ Udaan” Ke Naam Se Hindi Market Me Bhi Available Hai. Aise Me Fans Ka Dono Filmon Ko Lekar Comparison Karna Laazmi Hai. Akshay
Kumar South Films Ki Remake Ke Liye Jane Jate Hain. Aise Me Fans Unhe ‘Remake Kumar’ Bhi Bulate Hain.
Storyline
Baat Ki Jaye Film Ki Story Ki To Hero Ek Lower Middle Class Family Se Belong Karta Hai. Jiska Sapna Samaj Ke Dabe Kuchle Tamge Ke Logon Ko Bhi Flight Me Safar Karane Ka Hota Hai. Uske Paas Na To Kaam Shuru Karne Ke Liye Paise Hote Hain Aur Na Hi Koi Support System. Corruption Aur Commercialization Ke Is Daur Me Wo Apne Is Sapne Ko Poora Karne Me Safal Hota Hai Ya Nahin Ye To Film Dekhkar Hi Pata Chalega. Lekin Is Dauran Apne Dream Ko Chase Karte Huye Wo Kin Situations Se Gujarta Hai Aur Use Kis Tarah Ke Competition Aur Hate Ka Samna Karna Padta Hai Basically Yahi Is Film Me Dikhaya Gaya Hai.
Original Aur Remake Ka Comparison
Agar Trailer Level Par Baat Ki Jaaye To Original Aur Remake Me Koi Bhi Antar Dekhne Ko Nahin Mila Hai. Almost Saari Cheezen Same Hi Dikhayi Gayi Hain. Yahan Tak Ki Film Ke Main Villain Ke Roop Me Dono Filmon Me Paresh Rawal Ko Hi Rakha Gaya Hai. To Us Hisab Se Comparison Ke Liye Agar Kuch Bachta Hai To Akshay Aur Surya Ki Acting. Agar Acting Ki Baat Karen To Surya Ne Is Role Ko Nail Kar Diya Tha Wahin Akshay Bhi Promising Nazar Aaye Hain. Lekin Fans Ke Mutabik Surya Ki Acting Jyada Natural Thi.
Public Response
Waise To Akshay Kumar Ko Unki Comic Timing Ke Liye Jana Jata Hai. Lekin Jab Baat Aati Hai Seriou Ki To Wahan Bhi Akshay Kumar Nikhar Ke Aate Hain. Lekin Agar Baat Ki Jaye Sarfira Ke Trailer Ki To Akshay Ki Acting To Achhi Hai Magar Most Of The Public Story Jaan Chuki Hai. Is Trailer Me Kuch Naya Nahin Dikhaya Gaya Hai. Aise Me Trailer Public Ko Excite Karne Me Utna Safal Nahi Raha Hai. Baki Film Ka Box Office Par Kya Hota Hai Ye To Film Ki Release Ke Baad Hi Pata Chalega.
Hinglishgram Ab Telegram Par Bhi Paae Latest Update Hamare Telegram Channel Par. Channel Ko Iss Par Click Kar Ke Join Kare. And Aapko Ye Story Kaisi Lagi Comment Box Me Likh Kar Jarur Bataeyga. And Ise Apne Friends Ke Sath Jarur Share Kijiega. Aur Sath Hi Hamare Social Media Handles Ko Follow Karna Na Bhule Facebook | Instagram | Twitter | Linkedin
