Varun Dhawan Ki Much Awaited Film “Baby John” Ko Ab Officially Nayi Release Date Mil Gayi Hai. Darasal Is Film Ko Lekar Hype Isliye Bhi Bani Hui Hai Kyon ki Is Film Ke Sath Atlee Kumar Ka Naam Bhi Juda Hai. Atlee Kumar Wahi Hain Jinhone Shahrukh Khan Ke Career Ki Sabse Jyada Kamai Karne Wali Film “Jawan” Ko Direct Kiya Tha. Jawan Box Office Aur Logon Ke Dilon Me Ekdam Chipak Gayi Thi. Aise Me Atlee Kumar Is Baar Varun Dhawan Ke Sath Milkar Kya Dhamaka Karne Wale Hain, Public Is Baat Ko Lekar Excited Hai. Aapko Bata Den Ki Film 31 May Ko Release Hone Wali Thi Lekin Kuch Issues Ke Chalte Ye Apne Declared Release Date Par Nahi Aa Payi. Ab Jakar Makers Ne Iski Nayi Release Date Ki Announcement Kar Di Hai. Aaiye Jante Hain Ye Film Ab Kis Nayi Date Par Release Hone Wali Hai.
![](https://hinglishgram.com/wp-content/uploads/2024/06/Hinglishgram-Feature-Image-16-1024x531.png)
Kuch Mahine Pahle Film Ka Teaser Relase Kiya Gaya Tha Jise Dekhkar Loagon Ke Hosh Ud Gaye The. Varun Dhawan Ko Is Naye Avatar Me Dekhkar Audience Pagal Ho Gayi Thi. Aise Me Iska Poora Credit Public Director Atlee Kumar Ko De Rahi Hai Kyonki Isse Pahle Kisi Bhi Director Ne Varun Dhawan Ko Is Roop Me Present Nahi Kiya Tha. Loagon Ka Ye Maanna Bhi Hai Ki Film Varun Dhawan Ke Career Ki Best Film Ho Sakti Hai Aur Ab Tak Aayi Unki Sabhi Filmon Me Sabse Jyada Box Office Collection Kar Sakti Hai. Dekha Jaye To Aajkal Mass Filmon Ka Craze Market Me Kafi Jyada Hai, Aise Me Baby John Iska Kitna Fayda Utha Pati Hai Aur Audience Ki Kis Had Tak Theatres Tak Jane Me Majboor Kar Sakti Hai Ye To Aane Wale Wakt Me Hi Pata Chalega. Filhaal Loagon Ko Is Film Ka Besabri Se Intezar Hai.
![Varun](https://hinglishgram.com/wp-content/uploads/2024/06/Hinglishgram-Feature-Image-17-1024x531.png)
Baat Karen Varun Dhawan Ki To Unki Kuch Samay Pahle Aayi Film Bhediya Ne Box Office Par Achha Perform Kiya Tha. Khas Karke Film Ke Song “Apna Bana Le” Ne Loagon Ke Dil Me Alag Hi Jagah Banai Thi. Aise Me Public Yahi Expect Karegi Ki Varun Is Baar Aur Bhi Behtar Film Ke Sath Wapas Aayen, Jo Ki Baby John At Least Level Par Nazar Aa Rahi Hai. Baat Ki Jaye Film Ki Nayi Release Date Ki To Ye Film Ab Christmas 2024 Par Dekhne Ko Milegi. Film 25 December Ko Release Hone Wali Hai. Film Ka Box Office Par Kaisa Performance Hotam Hai Ye To Film Ki Release Ke Baad Hi Pata Chalega.
Hinglishgram Ab Telegram Par Bhi Paae Latest Update Hamare Telegram Channel Par. Channel Ko Iss Par Click Kar Ke Join Kare. And Aapko Ye Story Kaisi Lagi Comment Box Me Likh Kar Jarur Bataeyga. And Ise Apne Friends Ke Sath Jarur Share Kijiega. Aur Sath Hi Hamare Social Media Handles Ko Follow Karna Na Bhule Facebook | Instagram | Twitter | Linkedin