Saal Ki Sabse Jyada Anticipated Filmon Me Se Ek Prabhas Starrer “Kalki 2898 AD” Ka 2nd Trailer Kal Sham Ko Launch Kiya Gaya Hai. Isko Release Trailer Ke Naam Se Launch Kiya Gaya Hai. Darasal Fim 27 June Ko Theatres Me Aane Wali Hai To Makers Film Ke Promotion Me Lage Hain. Aise Me Har Film Ke Liye 2 Trailers Launch Karna Aaj Ke Time Me Makers Ki USP Ban Gayi Hai. Kuch Din Pahle Hi Mumbai Me Is Film Ka Pre Release Event Organise Kiya Gaya Tha Jisme Film Se Jude Bade Actors Maujood The.
Kalki Film Bhagwan Vishnu Ke Kalki Avtar Ko Inspiration Maankar Banayi Gayi Hai. Film Ki Kahani Mahabharat Ke Kai Hazar Saal Baad Ke Time Par Aadharit Hai. Magar Film Ka Mahabharat Se Kuch To Connection Hai Kyonki Film Me Ashwatthama Ke Role Me Amitabh Bachchan Nazar Aaye Hain. Dono Trailers Ko Dekhte Huye Ye Bhi Kah Sakte Hain Ki Unka Is Film Me Bahut Hi Important Role Hone Wala Hai. To Be Honest Trailers Me Prabhas Se Jyada Scenes To Big B Ke Nazar Aaye Hain.
Baat Ki Jaye Film Ki To Ye 9 May Ko Release Hone Wali Thi Magar Elections Ke Chalte Film Ko Postpone Karna Pad Gaya Tha Aur 27 June Ko Shift Karna Pada. Is Film Ko Lekar Promotion Ka Kaam Bhi Makers Ne Kaafi Deri Se Shuru Kiya Hai. 27 Ko Film Aane Wali Hai Aur Abhi Tak Film Ka Kewal Ek Song Bahar Aaya Hai. Diljeet Dosanjh Ne Wo Song Gaaya Hai Jo Ki Prabhas Ka Ek Tarah Se Introduction Song Bhi Hai. Halanki Jitna Bada Prabhas Ka Stardom Hai Unhe Kisi Bhi Promotion Ki Jarurat Nahin Hai. Magar Ye Film Kewal Telugu States Me Hi Nahi Balki Ek Pan India Release Hai To Usko Dhyan Me Rakhte Huye Promotion To Karna Hi Padega.
Ye Film Ek Cinematic Universe Ka Part Hai. Isko Teen Parts Me Banaya Jayega. Prabhas Ki Pichhli Kuch Filmon Ki Performance Ki Baat Karen To Wo Utna Up To The Mark Nahin Rahi Hain. Aise Me Is Film Se Makers, Fans Aur Prabhas Ko Bhi Kafi Ummeeden Hongi. Film Ek Multistarer Film Hai Jisme Amitabh Bachchan, Kamal Hasan, Deepika Padukone, Disha Patani Aur Kafi Sare Actors Ke Hone Ki Charcha Hai. Iske Alawa Kitne Logon Ki Film Me Surprise Entry Hogi Ye To Film Aane Pe Hi Pata Chalega. Film Box Office Par Kaisa Perform Karti Hai Aur Kitne Records Banati Ya Todti Hai Ye Film Ki Release Ke Baad Clear Ho Jayega.
Hinglishgram Ab Telegram Par Bhi Paae Latest Update Hamare Telegram Channel Par. Channel Ko Iss Par Click Kar Ke Join Kare. And Aapko Ye Story Kaisi Lagi Comment Box Me Likh Kar Jarur Bataeyga. And Ise Apne Friends Ke Sath Jarur Share Kijiega. Aur Sath Hi Hamare Social Media Handles Ko Follow Karna Na Bhule Facebook | Instagram | Twitter | Linkedin
