in

Surya Putra Mahavir Karna Ka Logo Teaser Hua Release, Ye Hai Casting

Actor/Producer Jacky bhagnani ne apni upcoming mega budget film Surya Putra Mahavir Karn ki announcement kar di hai. Ek chote se teaser ke sath film logo bhi release kiya gaya hai. Film ko direct R.S Vimal kar rahe hai. Teaser video se pta chalta hai ki ye film 5 languages (Hindi, Malayalam, Telegu, Tamil & kannada )me release hogi. Khas baat ye hai ki film ke dialouges, screenplay aur lyrics India ke jaane maane writer/poet Dr Kumar Vishwas ke zimme hai. However movie me kaun se bade ya chote actors honge isko leke sansay hai.

Film ka teaser dekh kar aap khud hi andaza laga sakte hai ki ye mega budget film hone vaali hai. According to sources ye movie 300cr+ budget ki ho sakti hai. That means ye Bahubali se bhi badi movie hone vaali hai.

Surya putra Mahavir Karna: Chiyaan Vikram

Bata de ye movie pehle hi start kar di gae thi, jab south ke superstar Vikram ‘Surya Putra Mahavir Karn‘ ka role play kar rahe the. But thereafter movie beech me hi rok di gae thi. And ab sunne me aarha hai isko kisi bade bollywood actor ke sath restart kiya jaega.

Jacky Ka Dream Project

Surya putra Mahavir Karna: Jacky Bhagnani

Mahabharat ek aise story hai jisko bade parde pe laane ke lie bade-bade actors/producers sapna dekhte hai. Aur karn ki kahani bhi Mahabharat ki shristhbhumi ke ird-gird rachi gae hai. So aise me ye Jacky ka dream project bhi kaha ja raha hai.

Akshay Kumar, Ranveer Singh Ya Vicky Kausal Koe Bhi Ho Sakta Hai Agla Surya Putra Mahavir Karn

Sources ki maane to producers ne Akshay Kumar, Vicky Kausal aur Ranveer Singh ko as main lead approach kiya hai. But ye kitna sach hai ye koe nhi bata sakta hai as in isko lekar koe bhi official statement nahi aae hai.

Koe Diwaana Kahta Hai… vaale Dr Kumar Vishwas

Surya putra Mahavir Karna Dr Kumar Vishwas

Dr Kumar Vishwas is mega budget Surya Putra Mahavir Karn movie ka kaafi ahem hissa hai. As in dialogue se lekar screenplay tak ka zimma unko diya gaya hai. Dr Kumar Vishwas yu to poore desh ke jaane maane naamo me se ek hai. Is movie ki announcement karte hue unhone tweet kar ke likha, “Ath ShriMahabharat Katha ke apne sabse favourite character par ban rahi iss film “Surya Putra Mahavir Karn” ke lie Dialouges aur songs likhana personally mere liye kaafi khushi ka vishay hai! Is mahayodha ki kahani kae languages me aap sabke saamne bahut jald aane vaali hai..”

Surya Putra Mahavir Karn Ka Role Kaun Karega

Kumar Vishwas ne aage likha – Ye karn pe banne vaali sabse behtareen film saabit hogi. Guess kare ki kaun sa actor Mahabharat ke is emotional, bahadur aur wise character ka role play karne ke lie fit hoga? Iske saath hi unhone apne post par Akshay Kumar, Hrithik Roshan, Ranveer Singh, Vicky Kausal ko tag bhi kiya.

Kaun Hai Surya Putra Mahavir Karn

Surya Dev aur Kunti Putra Karn, Pandavo ke sabse bade bhai the. Surya Putra Mahavir Karn ko Danveer Karn ke naam se bhi jana jata hai. Surya dev ke ashirvad se karn kavach aur kundal ke sath paida hue the, jo ki unke body ka hi part tha. Usko unhone Devraj indra ko daan de diya tha. Isi vajah se unka naam Danveer karn pada. Karn kaurvo ke sabse bade bhai Duryodhan ke param mitra the. Duryodhan ne karn ko Ang rajya ka raja banaya tha. Mahabharat ki yuddha me Karn ki mrityu unke chote bhai Arjun ke haatho hue thi.


Umeed karte hai aapko ye Surya Putra Mahavir Karn ka ye article pasand aaya hoga agar aaya hoga then isko jyada se jyada logo ke sath share kare and hame Facebook Instagram Twitter Linkedin par follow bhi kare.

What do you think?

Written by Ratnakar Upadhayay

A Business Development Manager and Internet Industry veteran with more than 7 years of experience in Sales Operations, Events & Weddings, Social Media Marketing, Business Development & Strategy.

IPL Auction 2021: Dekhe Poori Sold and Unsold Players ki List

Janiye Kaise Shweta Naam Ka Memes Kar Raha hai Internet Pe Trend