One Of The Most Anticipated Web Series Mirzapur Season 3 Ka Trailer 20 June Ko Dopahar Lagbhag 2 Baje Release Kiya Gaya. Release Ke Baad Se Hi Trailer Trending Me Hai. Gangster Web Series Ki Baat Ki Jaaye To Mirzapur Ka Fans Me Alag Hi Craze Hai. Fans Besabri Se Iske Release Date Aur Isse Jude Content Ka Intezar Kar Rahe The. Haal Hi Me Kuch Din Pahle Iska Teaser Bhi Release Hua Tha Jisme Characters Ko Alag – Alag Wild Animals Se Compare Karke Dikhaya Gaya Tha. Jisme Kaleen Bhaiya Ko Ghayal Sher Bataya Gaya Tha. Aise Me Clear Hai Ki Kaleen Bhaiya Is Season Me Apne Khoye Huye Empire Ko Wapas Lene Ki Poori Koshish Karenge.
Baat Karen Agar Storyline Ki To Is Season Ki Shuruwat Wahin Se Hoti Hai Jahan Par Season 2 Khatm Hua Tha. Kaleen Bhaiya Ke Ghayal Hone Aur Munna Bhaiya Ki Maut Ke Baad Mirzapur Ab Guddu Shukla Ke Control Me Hai. Yahan Tak Ki Veena Bhi Ab Guddu Ke Sath Aa Chuki Hai. Ab Guddu Kaleen Bhaiya Ke Empire Ko Bilkul Root Se Mitane Ki Koshish Me Hai. Wahin Kaleen Bhaiya Bhi Wapas Aa Gaye Hain. Ab Wo Apne Mirzapur Ko Wapas Paane Ke Liye Kya Karenge Aur Wapas Lene Me Safal Hote Hain Ya Nahin Ye To 5 July Ko Hi Pata Chalega Jab Ye Season Amazon Prime Pe Premier Hoga.
Trailer Ki Waahwahi Ke Beech Fans Ne Munna Bhaiya Ke Swag Aur Unki Presence Ko Is Trailer Ne Miss Kiya Hai. Kuch Atkalen Ye Bhi Lagayi Ja Rahi Hain Ki Munna Bhaiya Zinda Ho Sakte Hain. Isko Lekar Market Me Alag Alag Theories Avalable Hain. Lekin Kya Wo Sach Me Season 3 Ka Part Hain Ya Nahin Ye To Aane Wala Wakt Hi Batayega. Filhaal Fans Munna Bhaiya Ko Fir Se Dekhna Chahte Hain Jo Ki Is Trailer Me To Nahin Hua Hai.
Trailer Ko Lekar Public Ka Response Jabardast Raha Hai. Damdar Dialogues Aur Action Is Trailer Ki USP Rahi Hai. Is Baar Kahani, Dialogue, Aur Violence Ka Jabardast Combination Audience Ko Milne Wala Hai. Sabko Bas Isi Baat Ka Intezar Hai Ki Kaleen Bhatiya Wapas Aayen Aur Apna Mirzapur Fir Se Wapas Len. Halanki Guddu Shukla Ke Samne Ye Itna Aasan Nahin Hone Wala Lekin Kaleen Bhaiya Josh Ke Sath – Sath Hosh Se Bhi Kaam Lete Hain To Ye Unke Liye Ek Positive Cheez Sabit Ho Sakti Hai. Trailer Trending Me Hai Aur Public Ko Ab Bas 5 July Ka Intezar Hai. Kab Ye Season Premier Ho Aur Kab Audience Ek Baar Fir Is Masterpiece Ka Maza Le Paye.
Hinglishgram Ab Telegram Par Bhi Paae Latest Update Hamare Telegram Channel Par. Channel Ko Iss Par Click Kar Ke Join Kare. And Aapko Ye Story Kaisi Lagi Comment Box Me Likh Kar Jarur Bataeyga. And Ise Apne Friends Ke Sath Jarur Share Kijiega. Aur Sath Hi Hamare Social Media Handles Ko Follow Karna Na Bhule Facebook | Instagram | Twitter | Linkedin
