Hinglishgram Desk and Vikas Tiwari
1997 Me Release Hui Sunny Deol Ki Mega Blockbuster Film Border Ka Sequel 27 Saal Baad
13 June 2024 Ko Iske Prequel Ki Anniversary Ke Mauke Par Announce Kiya Gaya. Makers Ko
Ummeed Hai Ki Ye Film Bhi Usi Tarah Ka Nostalgia Create Karegi Aur Public Ko Theatre Tak
Kheench Kar Layegi Jis Tarah Gadar 2 Ne Box Office Par Gadar Machaya Tha. J. P. Dutta
Dwara Directed Ye Film Ek Baar Fir Se Usi Patriotic Feel Ke Sath Public Ko Excite Karne Ka
Kaam Karegi Jis Tarah 1997 Me Border Ne Kiya Tha.
Pahli Border Film Me Sunny Deol, Sunil Shetty, Jacky Shroff Aur Akshay Khanna Jaise Star
Actors Ne Film Me Alag Hi Jaan Daal Di Thi. Especially Sunny Deol Ka Ek Fauji Ke Roop Me
Wo Avatar Logon Ke Dilon Me Bas Gaya Tha. Jaisa Ki Sunny Deol Ne Us Film Me Wapas
Aane Ka Wada Kiya Tha To Apne Usi Wade Ko Nibhane Ke Liye 27 Saal Baad Wo Fir Se Aa
Rahe Hain Aur Is Baar Bhi Audience Se Usi Tarah Ke Response Ki Ummeed Hogi.
Gadar 2 Se Badha Manobal
Agar Makers Ke Dil Me Kisi Tarah Ki Hesitation Rahi Hogi Is Film Ko Lekar To Uska Nidaan
Pichhli Saal August Me Aayi Sunny Deol Ki Gadar 2 Ne Kar Diya. Gadar 2 Ko Jis Tarah Se
Public Ne Appriciate Kiya Aur Usse Connected Feel Kiya Usse Border 2 Ke Makers Ko Bhi
Inspiration Mili Hogi. Iske Makers Bhi Border 2 Se Public Ko Wahi Nostalgia Feel Karane Ki
Koshish Karenge.
Border Ke Gaanon Ka Craze
Border Ke Gaanon Ne Logon Ke Dil Me Alag Hi Jagah Bana Li Thi. Especially ‘Sandese Aate
Hain’ Gaana To Kai Saalon Tak Har Defence Aspirant Ki Ringtone Ban Chuka Tha. Aaj Bhi
Wah Gana Kahin Bajta Hai To Goosebumps De Deta Hai. Border 2 Me Bhi Un Gaanon Ko
Remix Karke Wahi Puarana Connection Feel Karane Ki Poori Koshish Rahegi.
Border Jaisi Starcast Wapas Is Film Me Lana To Bahut Mushkil Kaam Hai Magar Public Apne
Hisab Se Andaja Laga Rani Hai Ki Is Film Ki Starcast Kya Ho Sakti Hai. Sunny Deol Ke Sath
Ayushman Khurana Ka Naam To Confirm Hi Ho Gaya Hai Lekin Iske Alawa Uri Fame Vicky
Kaushal Aur Captain Vikram Batra Ka Role Kar Chuke Siddharth Malhotra Ke Bhi Is Film Me
Hone Ka Loag Kayas Laga Rahe Hain.
Abhi To Film Ki Bas Announcement Hui Hai Aur Film Ka Abhi Se Hi Public Me Craze Bana
Hua Hai. Baki Film Kaisi Banti Hai, Box Office Par Kaisa Perform Karti Hai Ye To Film Release
Hone Ke Baad Hi Pata Chalega. Ek Baat Ki Guarantee To Hai Ki Agar Film Achhi Hui Aur
Public Ko Connect Karne Me Safal Hui To Bade Bade Records Rest In Peace Ho Jayenge.
Hinglishgram Ab Telegram Par Bhi Paae Latest Update Hamare Telegram Channel Par. Channel Ko Iss Par Click Kar Ke Join Kare. And Aapko Ye Story Kaisi Lagi Comment Box Me Likh Kar Jarur Bataeyga. And Ise Apne Friends Ke Sath Jarur Share Kijiega. Aur Sath Hi Hamare Social Media Handles Ko Follow Karna Na Bhule Facebook | Instagram | Twitter | Linkedin
