Pichhle Saal Theatres Me Relase Hui Film Gadar 2 Box Office Par Super Duper Hit Rahi Thi. Aise Me Film Ke Sabhi Actors Ko Credit Jata Hai. Film Ki Safalta Ko Dekhte Huye Hi Director Anil Sharma Ne Film Ke Teesre Part Ki Bhi Announcement Kar Di Thi. Film Me Tara Singh Ke Sath-Sath Sakina Ka Kirdar Bhi Bahut Hi Crucial Tha Jisko Ameesha Patel Ne Play Kiya Tha. Baat Karen Agar Gadar 2 Ki To Usme Unka Kuch Khas Role Nahi Tha. Wo Film Kewal Sunny Deol Ke Naam Pe Hi Chali Thi. Halanki Film Ne Bollywood Industry Me Box Office Par Naye Records Set Kiye The. Agle Part Gadar 3 Ko Lekar Ameesha Patel Ka Ek Chaunkane Wala Bayan Samne Aaya Hai.
Film Me Sakina Ka Role Play Kar Rahi Ameesha Patel Ne Jahan First Part Me Ek Patni Ka Role Play Kiya Tha Wahin 22 Saal Baad Aayi Gadar Part 2 Me Wo Patni Ke Sath-Sath Maa Ka Role Bhi Play Karte Nazar Aayi Thi. Jisko Unhone Bakhubi Nibhaya Tha Lekin Film Me Unke Jyada Scene Nahi The. Aise Me Unhone Recently X Yani Twitter Par Ask Me Anything Session Kiya Tha Jis Par Ek Fan Ne Unke Screen Time Aur Gadar 3 Ko Lekar Sawal Pooche Jis Par Unke Jawab Ne Sabko Chaunka Diya.
Aapko Bata Den Ki Gadar 2 Pichhle Saal August Me Release Hui Thi Aur Box Office Ko Faad Ke Rakh Diya Tha. Sunny Deol Ki Is Film Ne OMG 2 Ke Sath Clash Ke Bavajud Hindi Cinema Me Kamai Ke Naye Records Set Kiye The. Film Zabardast Hit Rahi Thi Aur Audience Ne Is Film Ko Bahut Jyada Appreciate Bhi Kiya Tha. Lekin Film Ki Lead Actress Ameesha Patel Ne Kuch Aisa Kaha Hai Film Ke Baare Me Jo Shayad Gadar 2 Ke Fans Ko Achha Na Lage.
Darasal Ek Fan Ne Unse Ye Sawal Poocha Tha Ki Gadar 2 Me Aapka Screentime Bahut Kam Tha Aur Mai Un Jagahon Par So Gaya Tha Jahan Aapke Scene Nahi The. Ham Apni Mehnat Ki Kamai Lagakar Aapko Dekhne Jate Hain. Aise Me Kya Aap Gadar 3 Me Kaam Karengi? Is Par Jawab Dete Huye Actress Ne Kaha Ki Screentime Film Ki Script Ke Hisab Se Hota Hai Aur Har Actor Ko Uski Respect Karni Chahiye. Kisi Ke Personal Screentime Ke Hisab Se Script Nahi Taiyar Ki Jati Hai. Gadar 3 Me Kaam Karne Ko Lekar Unhone Kaha Ki Gadar 2 Ki Script Mujhe Kuch Khas Pasand Nahi Thi Aur Gadar 3 Mai Tabhi Karungi Agar Mujhe Script Pasand Aati Hai Jaise Gadar 1 Ki Aayi Thi.
Hinglishgram Ab Telegram Par Bhi Paae Latest Update Hamare Telegram Channel Par. Channel Ko Iss Par Click Kar Ke Join Kare. And Aapko Ye Story Kaisi Lagi Comment Box Me Likh Kar Jarur Bataeyga. And Ise Apne Friends Ke Sath Jarur Share Kijiega. Aur Sath Hi Hamare Social Media Handles Ko Follow Karna Na Bhule Facebook | Instagram | Twitter | Linkedin
