Neetu Kumari
Shahid Kapoor Ki Movie Kabir Singh Joki Superhit Hui Thi , Voh Movie South Ki Movie Arjun Reddy Ki Hi Remake Thi. Bollywood Mein Kai Aisi Movies Hain Jo South Ki Movies Ki Re-Make Hain, Jinmein Se Kuch Hit Hui, To Kuch Flop. Ab Ek Baar Phir Bollywood Ke Actor Shahid Kapoor Ek Aur South Ki Movie Ka Re – Make Lekar Aa Rahe Hain. Jo Kuch Had Tak Real Story Par Based Hai. South Ki Movie Jersey Ki Re-Make Hai Yeh Movie. Movie Ka Naam Same Hai, Magar Hero Shahid Kapoor Hain.
Kya Hai Movie Ki Story?
Is Movie Ko Gautam Tinnuri Duara Nirdeshit Aur Dilraj Raju, S Naga Vansi Aur Aman Gill Duara Nirmit Hai. Movie Mein Shahid Kapoor, Mrunal Thakur Aur Pankaj Kapoor Ahem Role Mein Nazar Ainge. Yeh Movie Telagu Ki Hit Movie Jersey Ki Hi Re-Make Hai. Jersey Ki Kahaani Ek Unsuccessful Cricketer Ke Ird-Girdh Ghumti Hai. Jo 36 Years Ki Age Mein Apne Career Ko Dusra Mauka Dene Ke Bare Mein Sochta Hai. Iske Bavjood Sabhi Logon Ko Uski Kabiliyat Par Sandeh Karte Hai. Is Movie Ka Trailer Bhi Release Kiya Ja Chuka Hai.
Jersey Hai Real Story Cricketer Ki Kahaani
Movie Jersey Ki Kahaani Ek Real Story Par Based Hai. Yeh Kahaani Hyderabad Ke Ek Radji Khiladi Ki Story Par Based Hai. Kisi Jamane Mein Radji Tournament Se Team India Mein Shamil Hone Ka Rasta Khulta Tha. Jersey Ka Nayak Radji Kai Match Khelne Ke Baad Bhi Team India Mein Select Nahi Ho Pata Tha. Haarkar Voh Cricket Khelna Chod Deta Hai. Khiladi Kote Si Mili Job Bhi Uske Hath Se Nikal Jati Hai. Uska 7 Saal Ka Beta Apne Papa Se Ek Jersey Mangta Hai. Jise Kharidne Ke Liye Uske Pass Paise Nahi Hote Hain. Is Rakam Ko Jutane Ke Liye Voh Fir Se Ek Baar Maidaan Mein Utarta Hai, Lekin Match Jitne Ke Baad Uske Dil Ki Dhadkane Tham Jati Hain.
Kab Hogi Release?
Jersey 28 August 2020 Mein Release Hone Vali Thi Lekin Covid Ke Karan Nahi Ho Pai. Ab Yeh Movie 14 April 2022 Mein Theaters Mein Release Hogi. Ab Dekhna Yeh Hai Ki Kya Yeh Movie south Ki Movie Jersey Ki Hi Trah Hit Hoti Hai Ya Flop. Haal Hi Mein Is Movie Ke Trailers Aur Songs Out Kiye Gaye Hain.
Shahid Kapoor La Rahe Hain South Ki Hit Movie Ka Remake |Hinglishgram Ab Telegram Par Bhi Paae Latest Update Hamare Telegram Channel Par. Channel Ko Iss Par Click Kar Ke Join Kare. And Aapko Ye Story Kaisi Lagi Comment Box Me Likh Kar Jarur Bataeyga. And Ise Apne Friends Ke Sath Jarur Share Kijiega. Aur Sath Hi Hamare Social Media Handles Ko Follow Karna Na Bhule Facebook | Instagram | Twitter | Linkedin
