AM
Beach lovers ke liye hai Good News! Aadmi ya toh mountain person hota hai ya toh woh beach person hota hai. Aur agar aap calm aur kam crowds wale beaches ke talash mein rehte ho toh aap sahi jagah aaye hai.
Beach pe jaake chill karna, haath mein aek thandi beer aur saath sand castles banane kisko nahi pasand! But aksar hum aisi expectations rakh kar chale toh jate hai, but pahonch ne ke baad waha baithna toh dur ki baat par khade rehne ki bhi jagah nahi hoti hai.
Agar aap aise crowdy aur dirty beaches se pareshan ho toh fir yeh article mein hum aapko aise 5 beaches se introduce karwayenge jo aapke calm aur relaxing plan ko barkarar rakhe.
5 Best Beaches In India Other Than The Goan Beach:
1) Varkala Beach, Kerala.
Situated at 51 km north of Thiruvananthapuram city, Varkala aek chota sa aur quiet city hai. Varkala bohot hi famous hai apne natural spring ke liye aur toh aur it is a perfect spot to relax with a laid atmosphere. Don’t miss to take a dip in the waters of Varkala kyunki mana jata hai ki yaha ke paani mein medicinal properties hai!
2) Om Beach, Gokarna, Karnataka.
Gokarna is a small holy town in Karnataka state. Gokarna mein 4 beaches hai usme se Om is the most famous of them all. Agar aap Old Goa ke hippie vibe ke shaukeen hai toh yaha aapko similar vibes milenge. Om India ke most secluded beaches mein se aek mana jata hai.
3) Ramakrishna Beach.
Rk beach ke naam se bhi jana jata yeh jagah apni heavenly retreat aur untouched beauty ke liye bohot famous hai. Tourists yaha se jane ke baad iss jagah ki sunsets sabse zyada miss karte hai. Iss jagah pe swimming safe nahi mana jata hai toh tourists yaha usually sun-bathing and beach volley ball zyada enjoy karte hai.
4) Agati Islands Lakshwadeep.
Agar aapka budget India mein kahi jane ka hai but aapko feel poora Mauritius wale chahiye toh Agati Islands Lakswadep aapki jagah hai. Lakswadeep being the smallest union territory of the country, but jab view ki baat aaye toh Agati Islands bohot hi aage hai. Aise bola jaye toh iss island ko India ka Mauritius bhi keh sakte hai!
4) Radhanagar Beach Andaman Nicobar Islands.
Beaches ki baat karein aur Andaman ka famous Radhanagar Beach ko kaise bhul sakte hai! This place feels like a piece of heaven. Barefoot aap yaha ki white sands par chalo aur sea water aapke pairon ko halke se touch karte hue jaye who alag hi feeling hai. Yaha par scuba diving aur snorkelling jaisi adventure activities bhi karai jati hai.
Toh next time you plan on a beach vacation don’t forget to checkout these places.
Beach | Rv Talks ab Telegram par bhi paae latest update hamare Telegram channel par. Channel ko iss par click kar ke join kare. And aapko ye story kaisi lagi comment box me likh kar jarur bataeyga. And ise apne friends ke sath jarur share kijiega. Aur sath hi hamare social media handles ko follow karna na bhule Facebook | Instagram | Twitter | Linkedin
