AM
Dating: Digital world ne yeh dating process ko kaafi easy kar diya hai. 2021 mein play store ya app store pe jaakar dating likhe toh humare saamne 50 se bhi zyada apps dekhne ko mill jayegi. Casual relationship se lekar serious long-term relationship tak sab kuch inn apps par humko mill jaata hai.
Ironically in apps ko use karne wale person pe depend hota hai ki who kya dhund raha hai. Love of your life ya fir just love of the night! Kai saare aaps ne covid ke situation ko dhyaan mein rakhte hue video calls and virtual dates ke options ko bhi start kar diya hai.
Itne saare features ke saath yeh apps se aapko aek date setup karne mein zyada mushkil nahi honi chahiye. But abhi aap bhi yehi soch rahe honge ki itne saare apps mein se mere dill ki ghanti bajane wali partner konse app par milegi? Don’t worry hum aapke saath hai aur hum lekar aaye hai India ke top 5 apps.
Top 5 Dating Apps In India
1) Tinder
Kehte hai old is gold and yeh field mein tinder sabse purana khiladi hai. India ka most popular dating app tinder bohot time se India ka number one app hai. Bache bache ko bhi abhi yeh naam ratt chuka hai. Yeh app famous hai agar aapko casual dating and hookups mein interest ho toh. Yeh poore country mein kaafi famous hai isiliye match aane ka chances kaafi badh jaata hai.
2) Bumble
Yeh app unn ladko ke liye messiah hai jinhe first move ya pehle message karne se darr lagta hai ya fir sharmate hai. Ladies first ka rule practically apply karne wala yeh pehla app hai. Iss app mein agar aap kisike saath match kar jaate hai toh the girl has to make the first move in 24 hours. Yeh app mein aapko three different types of modes mil jate hai. Bumble dating, bumble BFF and bumble for business purposes. So aapko jo suit karta hai who aap use kar sakte hai.
3) Ok Cupid
Ok cupid recently students and youth ke beech mein kaafi famous ho chuka tha. So agar aap young hai ya fir aek student hai toh fir aapko yeh app use karne mein mazza aayega.
4) Hinge
India mein yeh app thoda naya hai isiliye aapne shayad iss app ka naam na bhi suna ho but yeh app bahar ki countries mein kaafi famous hai. Is ap ki speciality yeh hai ki aap match na bhi aaya ho toh aap saamne wale person se baat kar sakte hai. Directly nahi but indirectly. Account banane ke time par aapko kai saare questions puche jate hai. Aur yeh questions public hote hai jisse koi bhi dekh sakta hai. Abhi agar ab aap samne wale mein interested ho toh aap uske question par comment kar sakte ho jo saamne wala read kar sakta hai. Iss tarah se aap aek conversation start kar sakte ho.
5) Happn
Yeh app ki speciality yeh hai ki aaspass ke logo ko yeh aapke feed mein dikhata hai. Agar aap yun hi kisi se cross hue and agar aap unse baat karna chahte hai toh happn mein unka profile dikh jaata hai. But is dating app ka disadvantage bhi yehi hai ki yeh aapko thode distance mein jo hai unhe nahi dikhata hai.
Dating | Rv Talks ab Telegram par bhi paae latest update hamare Telegram channel par. Channel ko iss par click kar ke join kare. And aapko ye story kaisi lagi comment box me likh kar jarur bataeyga. And ise apne friends ke sath jarur share kijiega. Aur sath hi hamare social media handles ko follow karna na bhule Facebook | Instagram| Linkedin
