Editorial Team
Amitabh Bachchan aur Deepika Padukone, The Intern ke Bollywood remake mein saath kaam karne wale hai. Deepika ne yeh information Monday ko apne Instagram account par share kari. Saath hi unhone movie ka first poster bhi share kiya. Iske pahle, Amitabh Bachchan ki jagah Rishi Kapoor kaam karne wale the, lekin last year Rishi Kapoor cancer ke chalte expire ho gaye the.
Monday Ko Deepika Ne Apne Fans Ko Di Thi Yeh Good News
Deepika ne film ka first poster Monday ko share kiya. The Intern movie Hollywood mein bhi same naam se ban chuki hai. Yeh movie ek hit thi, aur ab Bollywood mein iska remake banne ja raha hai. Deepika ne post ke niche caption mein likha, ” Kitne honour ki baat hai yeh mere liye ki main apne sabse special co-star ke saath ek baar phir kaam karungi! Main Amitabh Bachchan ji ka The Intern ke Indian version mein welcome karti hoon!”
Saath hi Amitabh Bachchan ne bhi yeh news apne Twitter aur Instagram handle par share kari.
‘Piku’ Ke Baad Deepika Aur Amitabh Ki Yeh Saath Mein Hogi Second Movie
Deepika aur Amitabh Bachchan saal 2015 mein pahli baar ek saath Shoojit Sircar ki Piku mein nazar aaye the. Iss movie mein dono ke kaam ko bahut appreciation mila tha. Wahi, Amitabh aur Rishi last baar movie ‘102 Not Out’ mein saath nazar aaye the.
The Intern ko Hollywood mein Nancy Meyers ne direct kiya tha, aur movie mein lead roles Anne Hathaway aur Robert De Niro nazar aaye the. Movie ki duniya bhar mein 200 million dollar ki earning thi. The Intern ek widower aur ek career-oriented lady ki story hai. Widower apni life ko normal banane ke liye ek career-oriented lady ke firm mein as a intern kaam karne jaata hai. Company ki head apni personal life ke challenges se fight kar rahi hoti hai.
The Intern ki producer Deepika hi hongi, jinki production company ka naam, KA productions hai. Deepika ne as a producer Chhapak movie se debut kiya tha.
Movie ko Badhaai Ho ke Amit Ravindernath Sharma direct karenge. Deepika ne last year ek statement mein kaha tha,”The Intern ek bahut hi emotional aur relationships ke sentiments par based movie hai, jo workplace par hi set hai. Mujhe lagta hai ki yeh story aaj kal ke social aur cultural environment ke kaafi similar hai. Main bahut dino se ek light comedy-drama movie ki talash mein thi, aur yeh story meri talash se bahut similar hai. Main iss journey ko begin karne ke liye ab wait nahi kar sakti”.
Agar aap Deepika aur Amitabh Bachchan ke fan hai to, aap bhi iss movie ko leke jarur excited honge!
Deepika | Rv Talks ab Telegram par bhi paae latest update hamare Telegram channel par. Channel ko iss par click kar ke join kare. And aapko ye story kaisi lagi comment box me likh kar jarur bataeyga. And ise apne friends ke sath jarur share kijiega. Aur sath hi hamare social media handles ko follow karna na bhule Facebook | Instagram | Twitter | Linkedin
