Brand Speak
Agar ham aapse kahe ki aapko ek reality show me participate karna hai. And vaha pe aapko apka life partner mil sakta hai. To shayad hi aap maane kyuki ye sirf movies me hi hota hai, jaha hero aur heroin kabhi event me milte h to kabhi kahi aur. But agar ham kahe ye reality me bhi hota hai then aap kya kahoge. Well Indian youths ke beech craze rakhne vaale trending couple Khushi Punjaban aka Khushi Choudhary aur Mr Utrakhand 2018 Vivek Choudhary ki story kuch aisi hai.
Jaha ek taraf Vivek Choudhary ne Mr Uttrakhand ka khitab apne naam kar rakha hai vahi doosri taraf Khushi Punjaban ne bhi Ms North Most Beautiful Female peagent ko apne naam kar rakhi hai. In short kahe to dono me hi modeling aur acting ka junoon kaafi pehle se hi tha tabhi vo aaj TikTok se lekar har social media platform par as favourite couple ham sabke saamne hai. Well chaliye ham aapko aaj in dono ki hi love story aur ab tak ke safar ke baare btate hai. Shuruvat karte hai Khushi Punjaban aka Khushi Choudhary alias Mrs Choudhary.
Punjab Me Paida Hue Khushi Choudhary
9th Dec 1996 ko Punjab me Jalandhar ke ek chote se gaon me Khushi paida hue. Bata de Khushi ki family me inke parents ke alawa ek behan aur do bhai hai. Family agricultural business me hai and bhai jobs karte hai. Khusi Choudhary ko family me sab pyar se “Rajjo” kahte hai. Well ye kahna galat nahi hoga naam ka asar hamare personality par padta hai as in iska jeeta jagta example hai Khushi jo hai, jinka naam to Khushi hai hi, iske sath hi vo hamesha khush bhi bahut rahti hai. Khushi ko dance aur singing dono ka shauk bachpan se hai. Unke kareebi batate hai ki jab bachpan me khushi dance karti thi to sabse kahti thi mujhe Dance India Dance (DID) me jana hai and jab gaati thi to bolti thi mujhe SaReGaMaPa me jana hai. Khushi ka yehi bholapan logo ko khub pasand aata tha and Khushi ko dekh kar aas pass ke log khush bhi rahte the. Jalandhar se hi initial education lene ke baad Khushi delhi ki taraf mud li. Delhi aane ka main reason tha modeling me career banana tha. Yaha aakar unhone kae jobs bhi kiye so that Delhi me survive kar sake. Ek media house ko diye interview me Khushi Choudhary ne bataya tha ki unki first in hand take ₹22,000 thi jisko lekar vo kaafi khush thi. Khushi job ke sath sath hi modeling me apna career banane me lagi hue thi and 2018 me Ms North India Most Beautiful Female khitab ke sath inhone success ka swad chakha. Bata de Khushi ka ye junoon aaj bhi kayam hai and aaj bhi vo modeling karti hai. Ye to hogae Khushi Punjaban ki baat ab chaliye aapko btate hai Vivek Choudhary ke baare me as in bina Vivek ke to Mr & Mrs Choudhary ki love story complelte nahi ho sakti.
Also Read: Ho PM Narendra Supporter To YE Quiz Khel Kar Dikhaye
Roorkee Ke Chote Se Gaon Me Janme Vivek Choudhary
Hamare Mr Uttrakhand 2018 ka janm 8th July 1994 ko Roorkee, Uttarakhand me ek jaat family me hua. Vivek Choudhary ki family me Mummy Papa aur Ek behan bhi hai. Iske alawa inke family me ek aur shaksh hai jo inke sath aaj na hokar bhi sabke dilo me rahte hai vo hai Vivek ke bade bhai Raja Choudhary. Jinhe pyaar se sab Raja Bhaiya kahte the. Kuch saal pehle dengu ho jaane ki vajah se achanak hi family ko alwida kah gae. But aaj bhi sabke dilo me zinda hai and sabki jaan hai. Vivek Choudhary apne bade bhai ko bahut maante the and unhone apne hath me Raja bhaiya ke naam ka tattoo bhi banva rakha hai. Agar aap Mr & Mrs Choudhary ke Vlogs ko dekhte hai to aapko hame ye batane ki jarurt nhi ki Raja Bhaiya aaj bhi kitne important hai Choudhary family ke lie. And kaise aaj bhi unka kamara as it is saja ke rakha hua hai. And khas baat to ye hai ki Raja Bhaiya Vivek Aur Khushi ke Bete ke roop me dobara se Choudhary family me aachuke hai. Vivek ne bhi apni initial studies apne home town se kar rakhi hai aur inki family bhi agricultural business me involved hai. 2018 me vivek ne Mr Uttrakhand ka khitab apne naam kiya tha. Well ab bat karte hai Digital Media ke top trending couple ki love story ke baare me
Event Se Shuru Hua Safar Zindagi Bhar Ka Ban Gya Hai
Jaise ki hamne aapko starting me hi bataya tha ki Khushi aur Vivek ki mulakat ek event me hue thi but poori story kya vo ham ab batate hai. As you all know ki Khushi ko bhi modeling ka shauk tha and vo bhi modeling shows me participate karti thi. Ek event me jaha Khushi as Participant gae thi same event me Vivek as Mr Uttrakhand 2018 hone ke naate grooming ka kaam dekh rahe the. Khushi ki ek friend ne Vivek aur Khushi ko pehli baar 1 June 2018 ko ek doosre se introduce karvaya. Although introduction kaafi normal tha and dono ne kabhi nhi socha tha ki vo ek intro me life partner ban jaenge. Mr & Ms Roorkee ke event me Vivek Aur Khushi ki dobara mulakat hue jaha par Khushi apni Sasu maa se pehli martaba mili. And ye milna shayad itefaq nhi tha kyuki us event ke baad hi to love story shuru hue and kuch mahino baad hi shadi me tabdil hogae. But kahte hai love story me twist na ho to kaahe ki love story.
Vivek Choudhary Khushi Ke Parents Ko Ek Muh Na Bhae
Khushi ko Vivek ki family to kaafi pasand karti thi. But jab Khushi ne apne family ko Vivek ki photo bheji aur kaha mujhe shadi karni hai. Then Khushi ke parents kaafi gussa hue kaha na hi ye ladka Punjabi hai aur na hi hamare yaha ka aur upar se dikhta ek dam gunda hai. Well jaise taise Khushi ne apne parents ke sath Vivek ki meeting fix karvae phir kya tha hamare charming Vivek ne Khushi ke parents ko ek hi meeting me mana liya. And Khushi ki family ko vivek bhi kaafi pasand aagae. Then dono ki families ne 28th Feb 2019 ka muhurat nikalva kar Mr Vivek Choudhary aur Ms Khushi Punjaban ko Mr & Mrs Choudhary banva diya. 2020 me hi dono ko ek baby boy hua jiska naam Vivek ne apne bade bhai Raja Choudhary ke naam par rakha.
Shadi Se Pehle Hi Khushi Ne Jaan Liya Ki Vivek Hi Hai Unke Lucky Charm
Bata de khushi shadi se pehle bhi tik-tok par videos banati thi and ek din unhone vivek ke sath ek video tik-tok par share kar di. Jiske baad se vo video aag ki tarah charo taraf fail gae aur viral hogae. Video itni viral hue ki Vivek ki padosi tak pahuch gae and padosi ne Vivek ki mummy ko dikha di. Jiske baad Vivek ki mummy ne dono ko samjhaya ki video hata do abhi shadi tay hue hai, ho nahi gae hai. But Khushi confirm thi ki Vivek unki life ke lucky charm hai as in unke sath video dalte hi vo video viral hogae. Phir kya tha after that video Khushi ne apne Roke ki video bhi Tik-Tok par daal di and vo bhi dekhte dekhte viral hogae. Therafter shadi hote hi dono regular videos daalne lage hai dekhte dekhte Mr & Mrs Choudhry Indian youths ke dilo me bas gae. Although Tik-Tok 2020 me India me Ban Hogya but Khushi Choudhary aur Vivek Choudhary ka craze aaj bhi barkarar hai kyuki inhone apne fans ko Instagram aur Youtube dono hi jagaho par engage kar rakha hai. Currently inke YouTube channel Mr & Mrs Choudhary par lagbhag 2.9Millions Subscribers hai aur vahi doosri taraf baat kare Instagram ki then vaha par Khushi ke 2.8M aur Vivek 756K followers hai.
Khushi Choudhary aur Vivek Choudhary ki families ham sabhi ko ye seekh deti hai kis taraf se ham bahu ko beti ki tarah rakh sakte hai aur kaise ek bahu beti ki tarah bhi rah sakti hai.
Bata de Punjabi Music Albums me dhoom machane ke baad bahut jald hi Khushi Choudhary aur Vivek Choudhary aapko bollywood me bhi nazar aane vala hai. Hamari best wishes hamesha Mr & Mrs Choudhary ke sath hai.
Umeed karte hai aapko story pasand aae hogi. Apne views hame comment box me jarur de and iske sath hi apne friends ko invite kare is quiz me participate karne ke lie. Hamare social media channels ko jarur follow kare Facebook | Instagram | Linkedin & Twitter
