Editorial Team
Abhishek Bachchan ki film, The Big Bull Disney+Hostar ott platform par Thursday ko release hone wali hai. Aise mein unki family mein unke father, Amitabh Bachchan ko yeh movie pahle hi dikha di gayi. Abhishek ne bataya ki unke father ko yeh movie behad pasand aayi. Wahi, unki mother Jaya Bachchan aur wife, Aishwarya Rai ne yeh movie abhi tak nahi dekhi.
Jaya Bachchan Ka Superstition Hai Abhishek Ki Movie Ko Release Se Pahle Na Dekhna
Abhishek ne bataya unki mother Jaya Bachchan ne The Big Bull movie abhi tak nahi dekhi hai. Yeh ek tarah se unka ek superstition hai. Jaya ka manna hai ki woh yeh movie, 9th April, yaani movie ke release ke ek din baad aur apne birthday ke din hi dekhengi.
Abhishek Bachchan ne Bollywood Bubble ko bataya,” Meri mother meri movies release ke pahle nahi dekhti. Yeh unka ek superstition hai. Meri family ne yeh movie dekh li hai. Ajay Devgn (movie ke producer) ne yeh film meri family ko dikhaayi. Par meri mother ne yeh movie nahi dekhi. Yeh movie unke birthday ke ek din pahle release ho rahi hai, to unhone kaha ki woh meri movie apne birthday ke din, as a birthday gift dekhengi. Mujhe pura bharosa hai ki woh mujhe batayengi ki unko meri movie kaisi lagi.”
Abhishek ne aage bataya,”Family ke baaki logo ko movie bahut pasand aayi. Mere dad ne bahut tareefein ki. In a sense, main abhi bahut khush hoon, kyunki ek aisa insaan jo mere liye sabse jyada matter karta hai, unhone already apne views share kar diye.” Abhishek ne bataya ki unki mother ki tarah, unki wife bhi unki movie ko release hone ke baad hi dekhti hai. Unhone kaha,”Aishwarya meri movies release hone kebaad hi dekhti hai.”
Harshad Mehta Ki Life Par Based Hai The Big Bull
The Big Bull movie stockbroker Harshad Mehta ki life par based hai, lekin filmmakers ne kaha hai ki movie mein aur bhi influences hai. Abhishek ke character ke naam The Big Bull movie mein Hemant Shah hoga. Movie mein Sohum Shah, Nikita Dutta aur Ilenana D’Cruz ne bhi kaam kiya hai. Popular web series Scam 1992: The Harshad Mehta Story bhi same subject par based thi aur yeh web series ne last year bahut naam kamaya tha.
Abhishek | Rv Talks ab Telegram par bhi paae latest update hamare Telegram channel par. Channel ko iss par click kar ke join kare. And aapko ye story kaisi lagi comment box me likh kar jarur bataeyga. And ise apne friends ke sath jarur share kijiega. Aur sath hi hamare social media handles ko follow karna na bhule Facebook | Instagram | Twitter | Linkedin
