Editorial Team
Khus to bahut ho rahe hoge ICSE se related headline padh kar. Aaj kal ki conditions se kaun waqif nahi hai bhala. Poore India me corona virus ki wajah se logon ki health conditions ke saath-saath sab kuch danger zone me aata ja raha hai. Pockets par corona ki maar kam thi jo ab ye students ki padhai ko ek baar firse, hamper karne apne active mode me aagya hai. Classes ka kuch clear nahi. Jaise taise online classes chal rhi hain. Jiske pass proper internet connection aur required devices hain unka to kaam chal gaya. But jinke pass nahi hai, unki studies upar wale ke bharose.
Primary classes ka to tab bhi adjustments ho sakta hai but in 10th aur 12th class ke students ka kya? Inka to Boards hai na. Aap ne bhi to boards pass kiye honge ya aage future me exams dene wale honge. Ye school life ke sabse crucial classes hoti hain. The most important ones. Inki marksheets to admissions ke liye kaam aati hain.
But ye corona virus to iss pe bhi doubt laane laga ki bhala boards honge ya nahi. Bacche to online preparations me lage hain ki kahin exams hogaye to kya. Confusion hi confusion hai, solution sach me pata nahi.
CBSE Students To Hogye Free
Abhi aaj hi CBSE ne to class 10th ke students ko iss burden aur ghor confusion se azaad kar diya and bechare 12th class walon ko beech me hi chor diya. Class 10th ke liye kaha gaya hai ki unke marks ka evaluation Board ke dwara ek particular marking system se hoga. As if now, class 12th ke exams bas postpone hi hue hain. Ye ho bhi sakte hain aur nahi bhi. Totally depends ki future me kya conditions hoti hai.
Iss news k aate hi social media p to jaise memes ki baarish hi hogyi
What Next For ICSE And ISC Ke Students
Itni requests ke baad 10th waalon ko to thoda sukoon mil hi gaya hai par ab isse ICSE (class 10th) aur ISC (class 12th) wale students ki bechaini badh si gayi hai. Shayad unhe bhi ye umeed hogyi hai ki iske baad unko bhi iss masle par clarity mil jae. Aur ye jaldi hi hona bhi chahiye because schedule ke according 4th May se to ICSE ke Board exams bhi shuru hone hain. Jis tarah se COVID ki situations badh rahi hain lag to raha hai ki ICSE students ko bhi good news mil hi jae.
CBSE ke aaj ke decision k baad ICSE students ne Twitter pe kuch iss tarah se apni baat present ki
Iss Par Bhi Zara Attention Dijiye
Exams, padhai, career sab important hai but health ke upar kuch nahi hai. Exams pe clarity dete hue students ke future ka sochna hoga and ye options bhi diye gaye hain ki jo bhi student apne marks se satisfied nahi hoga usko conditions control me aane ke baad exam dene ki opportunity di jayegi. So, this one is a relief for sabke liye we guess.
Decision jo bhi ho, keep this in mind that ye end nahi hai. You have far more things ahead and uske liye you need to stay safe and healthy. COVID norms ko sab follow karo and take care of your family and people around you.
Article By – Shivangi
ICSE | Rv Talks ab Telegram par bhi paae latest update hamare Telegram channel par. Channel ko iss par click kar ke join kare. And aapko ye story kaisi lagi comment box me likh kar jarur bataeyga. And ise apne friends ke sath jarur share kijiega. Aur sath hi hamare social media handles ko follow karna na bhule Facebook | Instagram | Twitter | Linkedin
